Kárim Másimov «Orynbor gazprom óndirý» zaýytynyń tehnologııalarymen tanysty
Qazaqstan Premer-Mınıstriniń jumys kestesinde reseılik gaz óńdeý zaýytyna barýǵa aıryqsha kóńil bólindi, sebebi «Orynbor gazprom óndirý» JAQ jumys jasaıtyn negizgi resýrstardyń biri Qarashyǵanaq gaz kondensat ken ornynyń gazy bolyp tabylady. Orynbor zaýytynda qazaqstandyq gazdy óńdeý úkimetaralyq kelisimder aıasynda 2007 jyldan bastap júzege asyrylyp keledi. Jyl saıynǵy Qarashyǵanaq gazynyń jetkizý kólemi 8 mlrd m3 (+/- 10%) quraıdy.
Premer-Mınıstrmen birge OGÓZ tehnologııalarymen energetıka mınıstri Qanat Bozymbaev pen Batys Qazaqstan oblysynyń ákimi Altaı Kólginov tanysty.
Bul joba boıynsha yntymaqtastyq máseleleriniń biri Qarashyǵanaq ken ornyndaǵy óndirý kóleminiń kóbine «Orynbor gazprom óndirý» JAQ jumysyna baılanystylyǵy bolyp otyr. Osylaısha, 2016 jyldyń shilde-tamyzyndaǵy jospardan tys jóndeý júrgizýge OGÓZ jumysyn toqtatýy Qarashyǵanaq jobasyndaǵy suıyq kómirsýtekterdi óndirýdiń 64 myń tonnaǵa tómendeýine alyp keldi (aqshalaı mánde shyǵyn shamamen $24 mln qurady).
Qazirgi tańda bul máseleni sheshýdiń eki nusqasy usynyldy: Qarashyǵanaq gazyn jeke óńdeý kestesi arqyly OGÓZ jańǵyrtý jáne Qazaqstan Respýblıkasy aýmaǵynda gaz óńdeý zaýytyn salý.
Sonymen qatar, Qazaqstan gaz salasynyń damýyna zor mán beredi. Batys Qazaqstan oblysyna jumys sapary barysynda Kárim Másimov keńes ótkizip, onyń qorytyndysy boıynsha QR Energetıka mınıstrligi men «QazMunaıGaz» AQ-na problemalyq máselelerdi jete pysyqtap, tıimdi sheshimder qabyldaýdy tapsyrǵan bolatyn.
