Kárim Másimov Máskeýdegi qaıǵyly oqıǵaǵa baılanysty Qyrǵyzstan Úkimetine kóńil aıtty
ASTANA. QazAqparat - QR Premer-Mınıstri Kárim Másimov Máskeýdegi qaıǵyly oqıǵaǵa baılanysty Qyrǵyzstan Úkimetine kóńil aıtty.
«Astanadaǵy Qyrǵyz Respýblıkasynyń elshiligine baryp, Kóńil aıtý kitabyna jazba qaldyrdym», - dep jazdy Kárim Másimov Instagramm paraqshasyna.
Aıta keteıik, 2016 jylǵy 27 tamyzda Máskeýdegi baspahanalardyń birinde órt shyǵyp, sonyń saldarynan Qyrǵyzstannyń 14 azamaty qaza tapty.
29 tamyz Qyrǵyz Respýblıkasynda Aza tutý kúni bolyp jarııalandy.
Aldynda Qazaqstan Prezıdenti N. Nazarbaev osy qaıǵyly oqıǵaǵa baılanysty Qyrǵyz Respýblıkasynyń Prezıdentine jáne barlyq Qyrǵyzstan halqyna kóńil aıtqan edi.
30.08.2016 🇰🇿 Astanadaǵy Qyrǵyz Respýblıkasynyń elshiligine baryp, Kóńil aıtý kitabyna jazba qaldyrdym. 🇷🇺 Posetıl posolstvo Kyrgyzskoı respýblıkı v Astane ı sdelal zapıs v Knıge soboleznovanıı. 🇬🇧 Visited the Embassy of the Kyrgyz Republic in Astana and made a note in the condolence book.
