Kárim Másimov lańkestikke qarsy turý máseleleri boıynsha keńes ótkizdi

ASTANA. QazAqparat - 23 jeltoqsanda Ulttyq qaýipsizdik komıtetiniń tóraǵasy Kárim Másimov Qazaqstan Respýblıkasy Antıterror ortalyǵynyń kezekti otyrysyn ótkizdi, dep habarlaıdy QazAqparat vedomstvonyń baspasóz qyzmetine silteme jasap.

Terrorızmge qarsy ortalyǵyna (TQO) múshe memlekettik organdar basshylary jáne oblys ákimderi lańkestikti qarjylandyrý arnalaryn anyqtaý jáne beıtaraptandyrý boıynsha birlesken jumys tıimdiligin arttyrý sharalary men jaǵdaıyn qarastyrdy.

Sondaı-aq keńes barysynda TQO-nyń  aǵymdaǵy jylǵy qyzmetiniń nátıjeleri qorytyndylandy, terrorızmge qarsy jalpy memlekettik júıeni odan ári jetildirý boıynsha is-sharalar engizilgen 2017 jylǵy jumys jospary kelisildi.