Kárim Másimov QR UQK birinshi tóraǵasyn mereıtoıymen quttyqtady
ASTANA. QazAqparat - Ulttyq qaýipsizdik komıtetiniń qoldaýymen QR UQK birinshi tóraǵasy, qurmetti qyzmetkeri, professor, general-leıtenant Bolat Baekenovtyń 75 jyldyq mereıtoıyna oraı salatanatty shara uıymdastyryldy, dep habarlaıdy Qazaqparat.
Mereıtoılyq sharaǵa qurylymdyq bólim basshylary, komıtettiń qyzmet bólimderi, sondaı-aq buqaralyq aqparat quraldarynyń ókilderi qatysty.
Komıtet tóraǵasy Kárim Másimov óz sózinde Bolat Abdirahmanuly óz isine berilgen memlekettik qaıratker ári Otanynyń patrıoty ekendigin aıtty. Mańyzdy memlekettik laýazymdarǵa ıe bola otyryp, únemi Prezıdenttiń úmitin aqtaǵanyn, ómirlik qaǵıdalaryna berik bul jannyń qyzmetine adal bolyp, adamdyq qalpynan taımaǵanyn atap ótti.
B.A.Baekenov Ulttyq qaýipsizdik qyzmeti qurylǵan tusta orasan zor mindetterdiń basy-qasynda bolyp, egemen elimiz ben qoǵamnyń qaýipsizdigin qamtamasyz etýge atsalysty. Elimiz úshin qıyn kezeńde Іshki ister mınıstrligin, Prezıdenttiń Kúzet qyzmetin basqaryp, Qaýipsizdik keńesiniń hatshysy retinde qyzmet atqardy.
Mereıtoı ıesi shara sońynda barlyq Komıtet quramyna alǵys aıtyp, qyzmetine sáttilik tiledi.
