Kárim Másimov qazaqstandyq fýtbolshylar men jankúıerlerdi Eýropa Lıgasynyń toptyq kezeńine shyǵýymen quttyqtady
ASTANA. QazAqparat - Kárim Másimov qazaqstandyq fýtbolshylar men jankúıerlerdi Eýropa Lıgasynyń toptyq kezeńine shyǵýymen quttyqtady, dep habarlady Pm.kz.
«Astana» FK jeńisi týraly QR Premer-Mınıstri óziniń Twitter-akkaýntynda jazdy.
Karım Masımov ✔ @KarimMassimov
"Astana" FK @fca_kz jáne barlyq jankúıerlerdi Eýropa Lıgasynyń toptyq kezeńine shyǵýymen quttyqtaımyn! Alǵa #KAZ! #Táýelsizdikke25jyl
BATE belorýs komandasymen eki matchtyq saıystyń qorytyndysy boıynsha «Astana» elordalyq fýtbol klýby Eýropa Lıgasynyń toptyq kezeńine shyqty. Birinshi saıysta qazaqstandyq fýtbolshylar BATE komandasyn 2:0 esebimen jeńdi. 2:2 esebimen ótken ekinshi jaýapty match «Astana» FK-na oıyndy toptyq kezeńde jalǵastyrýǵa múmkindik berdi.
ÝEFA Eýropa Lıgasynyń toptyq kezeńinde jerebe tartý 26 tamyzda Astana ýaqyty boıynsha 17:00-de ótedi.
