Kárim Másimov «Halyqtyq ІRO» baǵdarlamasyna aýyl sharýashylyǵy kompanııalarynyń qatysýy máselesin qarastyrýdy tapsyrdy

«Aýyl sharýashyly sektorynyń kompanııalaryn qarastyrý kerek. Múmkin onda «QazAgro» quramyndaǵy kompanııalardy zerdelep shyǵý kerek shyǵar», - dedi Úkimet basshysy mınıstrge qaratyp aıtqan sózinde. Osy oraıdaǵy máselelerdi qadaǵalaýdy K. Másimov birinshi orynbasary Ómirzaq Shókeevke júktedi.

«Búginde «QazAgro» júıesine kiretin kompanııalar naryqtyq jaǵdaıdaǵy jumystary turǵysynda tartylýy úshin aýyl sharýashylyǵyn tolyǵymen naryqtyq talaptarǵa shyǵarýymyz qajet. Bul - ońaı úderis emes. Sebebi, osy baǵyttaǵy sharalar tarıfti qalyptastyrý jáne basqa da máselelerge qatysty», - dedi Premer-Mınıstr.

Sóz sońynda K. Másimov osy baǵyttaǵy bastamalardyń barlyǵy ashyq ári túsinikti bolýy shart ekenin qadap aıtty.

Aıta keteıik, búgin Úkimet otyrysynda Ekonomıkalyq damý jáne saýda mınıstri Qaırat Kelimbetov «Halyqtyq ІRO» baǵdarlamasynyń jobasymen tanystyrdy. Osy qujatty qabyldaý sharalary aǵymdaǵy aptanyń senbisinde bolatyn Úkimet otyrysyna josparlanyp otyr.