Kárim Másimov elordanyń Almaty aýdanyndaǵy halyqqa qyzmet kórsetý ortalyǵynda kóshpeli keńes ótkizdi
TANA. 23 shilde. QazAqparat - Búgin el Premer-Mınıstri Kárim Másimov elordanyń Almaty aýdanyndaǵy halyqqa qyzmet kórsetý ortalyǵynda el halqyna memlekettik qyzmetter kórsetý máselesine arnap, kóshpeli keńes ótkizdi, dep habarlandy Mınıstrler kabıneti basshysynyń feısbýgynda.
Keńes barysynda HQKO pılotty jobasynyń tusaýkeseri ótkizildi. HQKO jańartý jáne memlekettik qyzmetterdi kórsetý jáne olardy avtomattandyrý boıynsha bızness-protsessterdi ońtaılandyrý sharalary jaıly aqparatpen Baılanys jáne aqparat mınıstri Asqar Jumaǵalıev baıandama jasady. Keńes barysynda sonymen qatar, HQKO aıasyndaǵy memlekettik organdardyń ózara yntymaqtastyǵy máseleleri de talqyǵa salyndy.
Keńes qorytyndysy boıynsha Kárim Másimov quzyrly organdarǵa birqatar tapsyrmalar berdi.
