Kárim Másimov Dmıtrıı Medvedevpen shekaralas ózender máselelerin talqylaıdy
ASTANA. QazAqparat - QR Premer-Mınıstri reseılik áriptesimen shekaralas ózender máselelerin talqylaıdy. Bul týraly Kárim Másimov Twitter-degi paraqshasynda jazdy.
«Reseı Federatsııasy Úkimetiniń Tóraǵasy D. A. Medvedevpen aldaǵy kezdesýde shekaralas ózender men Jaıyqtyń tabanyn tereńdetý máselelerin talqylaımyn», - dep jazdy Qazaqstan Premer-Mınıstri Atyraýda QR balyq ónerkásibin damytýdyń ózekti máseleleri men perspektıvalary boıynsha keńesten keıin Twitter-degi jeke akkaýntynda.
EAEO elderi úkimet basshylarynyń kezdesýi Sochıde 12 tamyzda ótedi, dep habarlady pm.kz.
