Kárim Másimov «Báıterek» holdınginiń dırektorlar keńesiniń otyrysyn ótkizdi
ASTANA. QazAqparat - QR Premer-Mınıstri, dırektorlar keńesiniń tóraǵasy Kárim Másimovtiń tóraǵalyǵymen «Báıterek» Ulttyq basqarýshy holdıngi» AQ dırektorlar keńesiniń kezekti otyrysy ótti, dep jazady Pm.kz.
Kún tártibinde holdıngtiń kompanııalar tobyn odan ári damytýǵa qatysty birqatar máseleler qaraldy.
Dırektorlar keńesi «Báıterek» Holdınginiń 2014-2018 jyldarǵa arnalǵan túzetilgen Damytý josparyn bekitti.
«Damytý josparyn túzetýdiń negizgi sebepteri Memleket basshysynyń tapsyrmalaryna sáıkes 2016-2017 jyldary ekonomıkalyq ósimdi yntalandyrý jáne jumyspen qamtamasyz etý boıynsha qosymsha sharalardy júzege asyrý, turǵyn úı qurylysyna kepildik berý baǵdarlamasyn iske asyrý bolyp tabylady», - dep túsindirdi AQ basqarma tóraǵasy.
Sondaı-aq dırektorlar keńesi Holdıngtiń 2014-2018 jyldarǵa arnalǵan Damytý josparyn oryndaý týraly esepterdi, 2015 jylǵa Jyldyq bıýdjetti, 2015 jylǵa Jyldyq esepti bekitti, sonymen qatar aǵymdaǵy birqatar máselelerdi qarady.
