Kárim Másimov Almatyda sel júrgen Qaraǵaıly ózeniniń arnasyn nyǵaıtý jumystaryn kórdi
ALMATY. QazAqparat- Búgin Almatyda QR Premer-Mınıstri Kárim Másimov Naýryzbaı aýdanynda Qaraǵaıly ózeniniń arnasyn nyǵaıtý jumystarynyń barysymen tanysty.
Bul ózen arqyly 2015 jyly jaz mezgilinde sel júrgen bolatyn.
Ózenge salynǵan bógettiń beriktigin qaraý barysynda onyń mańyzdylyǵy atap ótildi. Óıtkeni, osy bóget bolmaǵanda sel qala turǵyndaryna orasan zor zalal keltirer edi.
Sel saldaryn joıýǵa bıýdjetten 2,3 mlrd. teńge bólindi.
Almaty qalasy ákiminiń orynbasary Rýmıl Taýfıkovtyń aıtýynsha,
qazirgi tańda bóget pen Jandosov kóshesine deıingi aralyqta ózen arnasyn qalpyna keltirý jáne nyǵaıtý jumystary júrgizilip jatyr. Bul aralyqta ózen arnasynyń uzyndyǵy - 7,7 shaqyrymdy quraıdy.
Óz kezeginde Naýryzbaı aýdanynyń ákimi Saıran Saıfedenov qalpyna keltirý jáne nyǵaıtý jumystary bıylǵy jyldyń qazan aıynyń basynda aıaqtalatyndyǵyn jetkizdi.
