Kárim Kókirekbaev jumys saparymen Merki aýdanyna bardy

Aldymen Kóltoǵan sý qoımasynyń jaǵdaıymen tanysqan aımaq basshysy Jambyl aýylynda ornalasqan apatty jaǵdaıdaǵy №16 balalar men jasóspirimder sport mektebine bardy. 1956 jyly paıdalanýǵa berilgen sport mektebinde 6 jattyqtyrýshy qyzmet etedi, sondaı-aq 149 oqýshy jattyǵady. Jalpy, mekteptiń fýnktsıonaldyq maqsaty - jarys, jattyǵý protsesterin ótkizý bolyp tabylady.

Kelesi kezekte aımaq basshysy atalǵan aýyldaǵy «Dámdi Sebet» azyq-túlik dúkender jelisinde boldy. Jeke menshik baǵytta sattyq jasaıtyn saýda úıinde jalpy 10 myńnan astam azyq-túlik jáne azyq-túlik emes taýarlary satylady. Tutynýshylardyń oń baǵasyn alǵan saýda úıinde 40 adam qyzmet etedi. Óz kezeginde kondıterlik ónimder men «Doka» birinshi surypty bólke nany dúkenniń 2 qabatyndaǵy naýbaıhanada pisiriledi. Barlyq taýarlardyń baǵalary naryq baǵasynan 10-15 % tómen.

Oblys ákimi bastaǵan jumys sapary «№9 Merki kolledjiniń» jumysymen jáne qosymsha jańa qurylys jumystarymen tanysýǵa ulasty. Aǵymdaǵy jyldyń 3 naýryzynda qurylysy bastalǵan kolledjge «AKM Group» jaýapkershiligi shekteýli seriktestigi merdigerlik etedi. Jeltoqsan aıynyń sońyna deıin qurylys jumystary tolyq aıaqtalady dep josparlanýda.

Іs-sapar barysynyń kelesi aıaldamasy Sarymoldaev aýylyndaǵy 600 oryndyq jańa mektepke ulasyp, kásipker Shırvan Osmanovtyń jeke turǵyn úı janyndaǵy qosalqy sharýashylyqtyń jylyjaı sharýashylyǵymen tanysýǵa ulasty. «TarazQurylysDızaın» jaýapkershiligi shekteýli seriktestigi merdigerlik etetin jańa bilim ordasynyń smetalyq quny 1 149 325 910 teńgeni quraıdy, al qurylys jumystary osy jyldyń shilde aıynda aıaqtalǵan. Shırvan Osmanov ıelik etetin jylyjaı sharýashylyǵy óńir basshysynyń oń baǵasyn aldy. Fermerlik aýlada jemis daqyldaryn ósirýmen 2 qyzmetshi aınalysady. Ortasha aılyq jalaqylary 50 myń teńgeni quraıdy.

Sondaı-aq, aımaq basshysy, Surat aýyldyq okrýgindegi «Sypataı batyr» jaýapkershiligi shekteýli seriktestiginiń qant qyzylshasy alqabymen jáne tuqym sharýashylyǵy baǵytyndaǵy jumystarymen tanysýǵa toqtady. 1929 jyly qurylǵan ónerkásip orny búginde elıtalyq jáne kóbeıtilgen tuqym óndirýshi sharýashylyǵymen aınalysady. Quramynda barlyǵy jumys jasaıtyn 150 adamy bar seriktestik, bıylǵy jyly gektar túsimi 23 tsentnerdi quraıtyn 3450 tonna bıdaı, gektar túsimi 23 tsentnerden asatyn 664 tonna arpa alýdy josparlaýda.

Óńir basshysy kelesi kezekte Oıtal aýylyndaǵy «Ortalyq Azııa qant birlestigi» jaýapkershiligi shekteýli seriktestigine atbasyn burdy. Barlyǵy 555 adam qyzmet etetin zaýyt 2003 jyly alǵashqy ónimin shyǵarǵan. Zaýytta bıylǵy jyldyń 9 aı qorytyndysy boıynsha 51 myń 648 tonna sheker ónimderi nemese 9 mlrd. 296 mln. 640 myń teńgeniń ónimi óndirildi. Aldaǵy jyldary ónim kólemin ulǵaıtý josparlanýda.

Sondaı-aq, Kárim Kókirekbaev, T.Rysqulov aýylyndaǵy «Merki et kombınaty» jaýapkershiligi shekteýli seriktestiginiń, et jáne sút baǵytynda jumys jasaıtyn «Mınasıp» sharýa qojalyǵynyń, «Merki shıpajaıy» aktsıonerlik qoǵamynyń jumysymende tanysty. Et konservisi, shujyq ónimderin jáne iri qara, qoı etterin eksportqa shyǵarýmen aınalysatyn kombınat jylyna 250 tonna shujyq jáne 262 myń konservi bankasyn shyǵarýǵa, sondaı-aq táýligine 100-150 bas iri qara mal, 1000 bas usaq mal soıýǵa qaýqarly. «Múıizdi iri qara mal etiniń áleýetin damytý» keshendi baǵdarlamasy aıasynda, 2017 jylǵa bekitilgen jospar (sıyr eti - 200 t, qoı eti - 20 t) boıynsha «Merki et kombınaty» jaýapkershiligi shekteýli seriktestigi bıylǵy jyldyń qańtar-qyrkúıek aılarynda jalpy 102,7 tonna qoı etin eksportqa shyǵardy. Onyń ishinde Bahreın memleketine 20 tonna jáne Iran memleketine 83 tonna et tasymaldady. Sonymen qatar, kásiporyn 50 mln. teńgege et ónimderin qaptaıtyn tseh ornalastyrdy.

Merki aýylynda ornalasqan «Mınasıp» sharýa qojalyǵy 1998 jyly alǵashqy ónimderin shyǵarǵan. Múıizdi iri qara maldaryn ósirýmen aınalysatyn qojalyqta 8 jumysshy qyzmet etedi. «Mınasıp» sharýa qojalyǵy ózindik qarajatpen Reseı memleketi Altaı ólkesinen 54 bas sút-et baǵytyndaǵy sımmental tuqymdy (bir bas 330 000 myń teńge) barlyǵy 18 mln. teńgege asyl tuqymdy qunajyndar satyp alǵan. Sonymen qatar, sharýashylyq ózindik qarajatymen 100 basqa arnalǵan jańa qorajaı kesheniniń qurylys jumystaryn júrgizdi jáne barlyq salynǵan ınvestıtsııa kólemi 23,8 mln. teńgeni qurady.

Óńir basshysy aralaǵan «Merki shıpajaıy» aktsıonerlik qoǵamy 1958 jyly qurylyp, 1997 jyly kúrdeli jóndeýden ótken. Barlyǵy 206 adam qyzmet etetin shıpajaıda bıylǵy jyldyń 9 aıynda 7328 adamǵa qyzmet kórsetilken.

Shıpajaı jumysyna tabys tilegen oblys ákimi balalar men jasóspirimderge arnalǵan «Úmit» saraıyna bardy. 780 oqýshy tárbıelenetin bilim ordasynda barlyǵy 47 adamnan turatyn tehnıkalyq qyzmetkerler men muǵalimder qyzmet etedi. Jylý júıesi kómirmen iske asatyn ǵımaratqa 2012 jyly kúrdeli jóndeý jumystary júrgizilgen.

Aıta keterligi, oblys basshysy Kárim Kókirekbaevtyń Merki aýdanyna jumys sapary qorytyndy aktıv jınalysymen támamdaldy.