Kárim Kókirekbaev Shý aýdanyndaǵy áleýmettik mańyzy bar nysandardy aralady
ASTANA. QazAqparat - Jambyl oblysynyń ákimi Kárim Kókirekbaev jumys saparymen Shý aýdanynda boldy. Sapar barysynda aımaq basshysy Shý qalasyndaǵy, sondaı-aq Dalaqaınar, Birlik aýyldaryndaǵy áleýmettik mańyzy bar nysandardy jáne ónerkásip oryndaryn aralady, dep habarlaıdy oblystyq ákimdiktiń baspasóz qyzmeti.
Aldymen Jıdeli stantsııasyna aıaldaǵan K. Kókirekbaev Dalaqaınar aýylynda ornalasqan T.Áshimbaev orta mektebiniń jáne «Káýsár» balabaqshasynyń ahýalymen tanysty. 100 oryndyq mádenıet úıine aǵymdaǵy jyly oblystyq bıýdjetten 50 mln. teńge bólinip, 2018 jylǵa 154 mln. teńge qarastyrylǵan. 18 aı qurylysy júretin mádenıet úıi kelesi jyly qaıta paıdalanýǵa beriledi. Al 300 oryndy qos qabatty bilim ordasynda alǵashqy qońyraý 1964 jyly qaǵylǵan. Az qamtylǵan otbasynan shyqqan 31 oqýshy tegin ystyq tamaqpen qamtamasyz etiledi. Aǵymdaǵy jylǵy ulttyq biryńǵaı testtiń qorytyndysy ortasha 68,33 baldy quraǵan. Pedagogtar sany 36 muǵalimdi quraıdy. Sondaı-aq 650 búldirshinge arnalǵan «Káýsár» balabaqshasy 3 qabattan turady. Qazirgi tańda 50 bala tárbıelenetin balabaqshada 9 tárbıeleýshi qyzmet etýde.
Kelesi kezekte aımaq basshysy Birlik aýylyndaǵy jańadan salynǵan dárigerlik ambýlatorııada bolyp, odan soń sapar barysy «Kaz Ir Agro» JShS-ne ulasty. 15 kelýshige arnalǵan ambýlatorııada 14 adam jumys jasap, ortasha jalaqylary 45 myń teńgeni quraıdy. Al saflor (sýyqtaı syǵylǵan) maıyn óndirýmen aınalysatyn «Kaz Ir Agro» seriktestigi táýligine 3 tonna ónim shyǵarady jáne atalǵan óndiris ornynda 59 adam qyzmet etedi.
Sonymen qatar, oblys ákimi bastaǵan jumys sapary Eski Shý aýyldyq okrýginde ornalasqan egin alqabyntaǵy qylsha jınaý jumystarynyń barysymen tanysýǵa ulasty. Jalpy jer aýmaǵy 10 gektardy quraıtyn alqabta qylsha bıyl tuńǵysh ret egilýde. Sondaı-aq 1 gektardan 500 tsentner qyzylsha alý kózdelýde.
«Taraz hımııalyq parki» AEA basqarýshy kompanııasy» AQ-na barǵan Kárim Kókirekbaev kásipkerlik salasyndaǵy ózekti máseleler boıynsha jıyn ótkizdi. Kórshi aýdandardan kelgen kásipkerlerdiń kóńil túkpirinde júrgen suraqtardyń jaýaby osy jıynda tabyldy. Óz kezeginde oblys ákimi memleket tarapynan kómektiń kende bolmaıtynyn jetkizdi.
Eske sala keteıik, eki kúnge sozylǵan jumys sapary qorytyndy jınalyspen támamdalady.
