Kárim Kókirekbaev aýyldaǵy bıznestiń damý jaǵdaıyn tekserdi
TARAZ. QazAqparat - Jambyl oblysynyń ákimi jumys barysymen Baızaq aýdanyna baryp qaıtty. Sapar barysynda aımaq basshysy kásiporyndar men áleýmettik nysandardyń birqatar jumystarymen tanysty, dep habarlaıdy zhambyl.gov.kz.
Ákimniń birinshi barǵan nysany Qyzyl juldyz aýylynda ornalasqan «ROLA-7» JShS boldy. Ol jańa kásiporynnyń jumys barysymen tanysty. Bul nan-toqash ónimderin daıarlaıtyn fabrıka otandyq bıznestiń tabysty damyp kele jatqanyna dálel bola alady. Ónimderdiń ereksheligi sol - tolyq absolıýtti tabıǵılyǵy jáne ónimge kerekti zattar tolyqtaı Qazaqstanǵa tıesili. «Bıznestiń jol kartasy-2020» baǵdarlamasynyń «Paıyzdyq mólsherleme sýbsıdııalar» tetigi arqyly kásiporyn 165.5 mln teńge nesıe alǵan. (35 mln teńgesi kásiporyn soǵýǵa, 92 mln teńgesi kerekti jabdyqtardy satyp alýǵa, 38,5 mln teńgesi aınalymǵa jumsalǵan ). Bıyl kásiporyn qytaılyq ınvestorlardyń qatysýymen «Indýstrııalyq-ınnovatsııalyq damý» baǵdarlamasy boıynsha jańǵyrtyldy. Atalmysh fabrıkada 130 adam jumys jasaıdy, olarǵa barlyq jaǵdaı jasalǵan, sondaı-aq úsh mezgil tamaqpen qamtamasyz etiledi.
Ónimder «Rola» ataýymen Ońtústik Qazaqstan, Almaty, Soltústik Qazaqstan oblystarynda, Astana qalasynda satylady.
Іssapar barysynyń kelesi aıaldamasy Býryl aýylyndaǵy «Birlik» aýyl sharýashylyǵy boldy. Dıqanshylar 33 ga jerge qant qyzylshasyn ekken. Sharýashylyq tamshylatyp sýarý jańa tehnologııasymen jumys isteýde. Sýdy tıimdi paıdalanýdyń arqasynda ónimderdiń ónimdilik deńgeıi artýda.
Sondaı-aq aımaq basshysy Kóktal aýylyndaǵy «Dýlat» sharýa qojalyǵyna toqtady. 3000 bas iri qarany bordaqylaýmen aınalysatyn sharýashylyqtyń jalpy joba quny 497 mln teńgeni quraıdy. Sharýa qojalyǵynda 120 tonna et ónidiriledi.
Kárim Kókirekbaev Myrzataı aýyldyq okrýginde ornalasqan memlekettik-jekemenshik áriptestigi aıasyndaǵy «Ersan-Jánaı» balabaqshasynyń da jumys barysymen tanysty. 2016 jyldan beri jumys jasaıtyn balabaqsha 50 balaǵa arnalǵan. Aımaq basshysy Keńes aýylynda ornalasqan 15 adamǵa arnalǵan medıtsınalyq bólimsheni de nazardan tys qaldyrmady. Bul medıtsınalyq aýrýhanany soǵý úshin oblystyq bıýdjetten 87,4 mln teńge qarjy bólingen. Ortalyqty salý jumystary erte kóktemde bastalyp bitýge taıaý qaldy.
Sonymen qatar, K. Kókirekbaev Dıhan aýylynda ornalasqan «Eco fruit» dep atalatyn, 50 ga jerge alma ósirýmen aınalysatyn sharýashylyqpen, Baızaq aýylynda «Nurly jol» baǵdarlamasy boıynsha soǵylyp jatqan 300 oryndyq mekteptiń qurylysymen tanysty. Qurylys jumystarymen «Korporatsııa Azııa qurylys» kompanııasy aınalysýda. Jobanyń jalpy quny 718.3 mln. teńgeni quraıdy. 120 jumysshy eńbektenip jatqan qurylys jumystary kelesi jyldyń kókteminde aıaqtalady dep kútilýde.
Іssapar barysynda oblys basshysy Sarykemer aýylynda ornalasqan Ǵanı Muratbaev atyndaǵy mektep-gımnazııasyna soqty. 924 balaǵa arnalǵan mektep 1972 jyly soǵylǵan. Oqýshylar eki aýysymda bilim alady. Gımnazııada 80 orynǵa arnalǵan ashana bar, onda 202 balaǵa ystyq tamaq beriledi.
Sapar sońynda aımaq basshysy Baızaq aýdanynyń qoǵamdyqpen kezdesip, kemshilikterdi talqylap aýdan ákimine tıisti tapsyrmalar berdi.
