Kárim Kókirekbaev: 1 qyrkúıekte 1700 oqýshyǵa arnalǵan tórt mektep ashylady
Jańa oqý jyly qarsańynda oblys muǵalimderiniń kezdesýi «Araı Plaza» bıznes ortalyǵynda ótti, dep habarlaıdy zhambyl.gov.kz .
Aımaq basshysy qazirgi ýaqytta adamı kapıtaldy damytý birinshi kezektegi másele ekendigine toqtalyp, bul básekege qabiletti ult qurýdyń negizi ekendigin atap ótti.
- Bizge ıdeıaǵa baı, jańashyl óz isiniń mamandary kerek. Onyń syry sapaly bilimde jatyr. Sondyqtan biz sizderge, qymbatty ustazdarǵa úlken úmit artamyz, - dedi Kárim Kókirekbaev.
Oblys ákimi oqytýshylar quramynyń kásibıliginiń arqasynda qol jetkizgen óńirlik bilim berýdegi mańyzdy jetistikterge toqtaldy. Halyqaralyq jáne respýblıkalyq olımpıadalar men ǵylymı jarystarda 116 medalǵa qol jetkizgen jeńimpazdar men júldegerlerdi daıyndaǵan muǵalimderdiń eńbekterin erekshe atap ótip, altynshy jyl qatarynan «Úzdik olımpıadalyq komanda» ataǵyna ıe bolǵan oblys oqýshylaryna alǵys aıtty. Sondaı-aq, shyǵarmashyl ustazdardy yntalandyrý maqsatynda oblys ákiminiń arnaıy granttaryn qurýdy usynyp, 3-4, 6-9, 10-synyptarda oqıtyn mektep oqýshylarynyń bilim deńgeıin táýelsiz baǵalaý jáne mekteptegi bilim sapasyn baǵalaýdyń aımaqtyq modelin qurý qajettiligin atap ótti.
Óz sózinde aımaq basshysy UBT qorytyndysy boıynsha mektep basshylaryna birqatar synı eskertýler aıtty. Úsh jyl qatarynan kóptegen mektepter tómengi satydan kórinip keledi. Bıylǵy UBT qorytyndylary oblys mektepteri túlekteriniń bilim sapasyn baǵalaýda eleýli aıyrmashylyqtardy kórsetti. Buǵan nóldik nátıjelerdiń bolýy men matematıkalyq saýattylyqtaǵy tómen kórsetkishter dálel. Qoldanystaǵy zańnamanyń sheńberinde, jalpyǵa birdeı bekitilgen erejelerdi buzbaı aralyq attestattaý múmkindigin qarastyrý usynyldy.
- 2019 jyldan bastap oqýshylardy úsh tilde oqytýdy eskere otyryp, oblystyń keıbir mektepterinde pılottyq rejim júrgizilýde. Eksperımenttik jumysqa taǵy bir mektep qosyldy. Jaratylystaný-matematıkalyq baǵytty aǵylshyn tilinde meńgerý úshin muǵalimder arnaıy kýrstardan ótýde. Bizdiń oblysta bul mamandar M.H. Dýlatı atyndaǵy TarMÝ-da daıyndalýda. Budan basqa, biz pılottyq rejimde memlekettik-jekeshelik seriktestik negizinde úsh tilde oqytatyn mamandandyrylǵan mekteptiń ashylýyn josparlap otyrmyz, - dedi oblys ákimi.
Sonymen qatar, aımaq basshysy oblystyń mektepterinde kompıýterlik ortalyqtardy jańartýǵa jáne WI-FI arqyly joǵary jyldamdyqty ınternetke qoljetimdilikti qamtamasyz etýge arnalǵan sharalardy qabyldaýdy jáne oblys ortalyǵyndaǵy barlyq mektepterde robototehnıkaǵa arnalǵan dızaınerlerdi ázirleýdi tapsyrdy. Saltanatty shara sońynda eńbegi eren muǵalimderdiń jumysy atalyp ótip, oblys ákiminiń qurmet gramotalarymen jáne alǵys hattarymen marapattaldy.
