Kárim Qajymqanuly eń qıyn kezeńde, daǵdarys jyldarynda iskerlik tanytty - B.Smaıylov
ANA. 8 sáýir. QazAqparat /Marlan Jıembaı/ - Kárim Qajymqanuly eń qıyn kezeńde, daǵdarys jyldarynda iskerlik tanytty.
Bul pikirdi búgin QR Parlamenti Májilisiniń jalpy otyrysynda Elbasy Premer-Mınıstr laýazymyna K.Másimov kandıdatýrasyn usynǵannan keıin depýtat Baýyrjan Smaıylov bildirdi.
«Biz ult taǵdyryn tulǵalar aıqyndaıtynyn jaqsy bilemiz. Kereı men Jánibek - eldigimizdiń nyshany. Táýke men Abylaı - aıbynymyz ben erik-jigerimizdiń aıǵaǵy. Al Nursultan Nazarbaev - baıandy táýelsizdigimizdiń, búgingi tolaǵaı tabystarymyz ben erteńgi zańǵar jeńisterimizdiń kepili», - dep atap ótken halyq qalaýlysy Memleket basshysynyń barlyq bastamalaryna qoldaý bildiretindikterin basa aıtty.
«Búgingi Úkimet basshysyna usynyp otyrǵan kandıdatýrańyzdy maquldaımyz. Kárim Qajymqanuly eń qıyn kezeńde, daǵdarys jyldarynda iskerlik tanytty. Sizdiń ekonomıkalyq mańyzdy talaptaryńyzdy júzege asyra bildi. Áli de osyndaı deńgeıde kórinedi dep oılaımyz», - dedi B.Smaıylov.
