Karım Benzema Lıonel Messıdiń rekordyn qaıtalady

ASTANA. QazAqparat – «Real Madrıd» komandasynyń shabýylshysy Karım Benzema Chempıondar lıgasynda 18 maýsym qatarynan gol soǵyp, Lıonel Messıdiń rekordyn qaıtalady, dep habarlaıdy QazAqparat tilshisi.

Benzema 1/8 fınalda «Lıverpýlmen» ótken matchta qos goldyń avtory atandy. Osylaısha, ol Eýropanyń basty kýboginde 18 maýsym qatarynan mergendik tanytty. Budan buryn mundaı nátıjege Messı ǵana qol jetkizgen. Olardyń ekeýi de Chempıondar lıgasynda 2005-2006 jylǵy maýsymnan beri qanjyǵalaryn maılap keledi.

Syrt alańda «Lıverpýlmen» ótken oıynda 5:2 esebimen jeńiske jetken madrıdtik klýb shırek fınal joldamasyna jaqyndaı tústi.

Qos komanda arasyndaǵy qarymta kezdesý 15 naýryz kúni Madrıdte ótedi.

Eske sala keteıik, budan buryn «Lıverpýldiń» óz alańynda «Real Madrıdten» oısyraı jeńilgenin jazǵan bolatynbyz.

Foto:GETTY IMAGES