Karım Benzema Frantsııa quramasy sapyna qosylýy múmkin

ASTANA. QazAqparat - Frantsııa quramasy jáne Ispanııanyń «Real Madrıd» klýbynyń shabýylshysy Karım Benzema alǵan jaraqatynan tolyqtaı aıyqty. Ol qurama sapyna qosylýy múmkin, dep habarlaıdy QazAqparat tilshisi.

Marca basylymynyń habarlaýynsha, ol alǵan jaraqatynan tolyqtaı aıyqqan.

Eshqandaı shekteýsiz jalpy topta jattyǵady. 36-jastaǵy fýtbolshy Frantsııa quramasynyń 2022 jylǵy álem chempıonatyna qatysatyn quramyna engizilgen.

Degenmen alǵan jaraqatyna baılanysty quramadan ketip, Ispanııaǵa qaıta oralǵan edi.

Mamandar onyń Qatardaǵy dop dodasynyń aıaq shenine qaraı alǵan jaraqatynan aıyǵýy múmkin ekenin aıtqan bolatyn.

Ispanııalyq basylym Karım Benzemanyń 4 jeltoqsandaǵy Frantsııa quramasynyń 1/8 fınaldaǵy Polshaǵa (3:1) qarsy oıynǵa tolyqtaı daıyn bolǵanyn aıtady.

Aıta ketsek, Frantsııa quramasy 14 jeltoqsanda jartylaı fınalda Marokkomen kezdesedi.

Eske salsaq, Marokko – álem chempıonatynyń 1/2 fınalyna shyqqan alǵashqy afrıkalyq qurama.

Foto: championat.com