Karım Benzema 2022 jylǵy «Altyn dop» ıegeri atandy
ASTANA. QazAqparat - Fýtboldan 2022 jylǵy «Altyn dop» ıegeri anyqtaldy, dep habarlaıdy QazAqparat tilshisi.
Bul ataqqa bıyl Ispanııanyń «Real Madrıd» jáne Frantsııa quramasynyń shabýylshysy Karım Benzema qol jetkizdi.
Atalǵan shara «France Football» jýrnalynyń uıymdastyrýymen ótkizilip keledi.
Mundaı marapatqa ıe bolý úshin fýtbolshylardyń 2021 jylǵy 31 tamyz jáne 2022 jylǵy 31 tamyz aralyǵyndaǵy tabystary nazarǵa alynyp otyr. Úzdik oıynshyny anyqtaýǵa FIFA reıtıngi boıynsha alǵashqy 100 orynda turǵan elderdiń jýrnalısteri daýys berýge múmkindik aldy.
Qazirge deıin Iohan Kroıf, Mıshel Platını, Marko van Basten, Krıshtıaný Ronaldý, Lıonel Messı sekildi úzdik oıynshylar mundaı mártebege úsh ret ıe boldy. Al marapatqa 2 ret qol jetkizgen juldyzdar qatarynda Alfredo dı Stefano, Frants Bekkenbaýer, Kevın Kıgan, Karl-Haınts Rýmmenıgge, Ronaldo bar.
Sondaı-aq, saltanatty shara barysynda áıelder arasyndaǵy «Altyn dopqa» ıspanııalyq «Barselona» sapynan Aleksııa Pýtelıas laıyqty dep tanyldy.
Al Ispanııa quramasy men «Barselona» oıynshysy Gavı 21 jasqa deıingi úzdik jas fýtbolshy atandy.
Al Lev ıAshın atyndaǵy «Úzdik qaqpashy» nomınatsııasyna «Real Madrıd» jáne Belgııa quramasynyń qaqpashysy Tıbo Kýrtýa ıe boldy.
Eske salsaq, 2021 jyly Lıonel Messı «Altyn dop» ıegeri atanǵan bolatyn.
