Karıb teńizinde jer silkinisi boldy
ASTANA. KAZINFORM - Karıb teńizindegi Vırgın araldarynyń jaǵalaýynda 5,3 magnıtýdaly jer silkinisi boldy. Bul týraly Report.az Eýropa-Jerorta teńizi seısmologııalyq ortalyǵyna (EMSC) silteme jasap habarlady.
Aqparatqa sáıkes, jer asty dúmpýleri jergilikti ýaqyt boıynsha 02:58-de shamamen 8,4 myń adam turatyn Rod-Taýn qalasynan (Brıtandyq Vırgın araldary) soltústik-shyǵysqa qaraı 65 shaqyrym jerde tirkelgen.
Jerasty dúmpýi 20 km tereńdikte bolǵan.
Qurbandar men qıraý týraly aqparat aıtylmady, tsýnamı qaýpi de jarııalanǵan joq.
Eske sala keteıik, Argentına jaǵalaýynda magnıtýdasy 7,1 bolatyn jer silkinisi tirkeldi. Zilzalanyń epıtsentri shamamen 58 myń halqy bar Ýshýaıa qalasynan ońtústik-shyǵysqa qaraı 285 shaqyrym jáne shamamen 117 myń adam turatyn Chılıdiń Pýenta-Arenas qalasynan ońtústik-shyǵysqa qaraı 511 shaqyrym jerde ornalasqan.