Karıb teńizinde «Eta» daýyly kúsheıdi
MANAGÝA. QazAqparat – NIkaragýa jaǵalaýynda bastalǵan «Eta» daýyly seısenbi kúni tórtinshi sanatqa deıin kúsheıdi. Aldaǵy 12 saǵatta daýyldyń besinshi sanatqa de»in jetý qaýpi bar, dep habarlaıdy QazAqparat CNN agenttigine silteme jasap.
AQSh Ulttyq ortalyǵynyń Karıb teńizinde qalyptasqan daýyldardy baqylaýdan keıin bergen málimetinshe, «Eta» daýyly baıaý qozǵalyp kele jatyr, biraq jeldiń jyldamdyǵy 54 m/s jetken. Eger daýyl sanaty joǵarylasa, ol qozǵalyp kele jatqan jeldiń jyldamdyǵy da ósedi.
CNN daýyl týraly eskertý Nıkaragýanyń búkil jaǵalaýyna tıesili ekenin atap ótti. Tropıktik daýyl týraly eskertý Gondýrastyń soltústik-shyǵys jaǵalaýynda da jasalǵan.
Qıratýshy jelden basqa, «Eta» daýyly Ortalyq Amerıkaǵa nóser jaýyn ákeledi, mundaǵy Meksıkanyń ońtústik-shyǵysynan Panamaǵa deıin mol jaýyn-shashyn jaýýy yqtımal.
«Bul jańbyrlar katastrofaly, ómir úshin qaýipti sý basýlarǵa, sondaı-aq Ortalyq Amerıkanyń bıik taýly aýdandarynda kóshkinderdiń júrýine ákelip soqtyra alady. ıAmaıka, Meksıkanyń ońtústik-shyǵysy, Salvador, Gaıtıdiń ońtústik bóligi jáne Kaıman araldarynda ózenderde sý deńgeıiniń kóterilýi men sý basý qaýpi úlken», - dep málimdedi ortalyqtan.
Qazirgi boljamǵa sáıkes, daýyl Nıkaragýa men Gondýrastyń taýly aýdandarynda baıqalyp, jumaǵa qaraı soltústikke, Belız jaqqa baǵyt alady. Qazirgi kezde daýyldyń traektorııasy men qarqynyn anyqtaý óte qıyn. Sınoptıkter daýyldyń qozǵalysyn muqııat baqylaıtyn bolady.
«Eta» daýyly – bıyl bir maýsymnyń ishinde daýyl sany boıynsha 2005 jyly ornatylǵan rekordtan asyp túsken 28-shi daýyl.
