«Karıb teńizi qaraqshylarynyń» juldyzy Sırııada lańkestermen soǵysýda
ASTANA. QazAqparat - «Karıb teńiziniń qaraqshylary» fılmindegi rólimen tanymal brıtandyq akter Maıkl Enraıt DAISh sodyrlarymen kúresý úshin kúrd armııasy jasaqtaryna qosyldy, dep habarlady Vestı.rý.
Sırııa aýmaǵyndaǵy soǵys qımyldaryna ol bir aı boıy qatysýda. «Bul jumys - men buǵan deıin aınalysqan isterimdegi eń mańyzdysy», - deıdi ol.
Reflex basylymynyń habarlaýynsha, bul Enraıttyń Sırııada alǵashqy bolýy emes, akter munda 2015 jyly da bolǵan. Jeliden ıslamshyl sodyrlar ıordandyq áskerı ushqyshty tirileı otqa salyp, onymen kamerada birge otyrǵan japondyq jýrnalıst Kendzı Gotonyń basyn alǵanyn kórgen Enraıt lańkestermen kúreske shyǵýǵa bel baılady jáne kúrdstandyq «Halyqtyq ózin-ózi qorǵaý jasaǵy» jaýyngerlerine qosyldy. Akter basqalardy da qoldaryna qarý alyp, kúrdstandyq jasaqshylarǵa qosylýǵa shaqyrady.
Onyń bul áeketin burynǵy amerıkandyq sarbaz Djordan Metskon qoldamaıdy.
Akter Sırııaǵa eshqandaı áskerı tájirıbesinsiz kelgenin, ózin bul oıynan qaıtarmaýy úshin anasy men qaryndasyna de habarlamaǵanyn aıtady.
