Karıb aralyndaǵy janartaý atqylady
NUR-SULTAN. QazAqparat – Karıb teńizindegi Sent-Vınset aralynda La-Sýfrıer janartaýy oıandy. Qıyndyqqa tap bolǵandardy evakýatsııalaýǵa krýız kemeleri keldi, dep habarlaıdy QazAqparat Vusiness insider-ge silteme jasap.
La-Sýfrıer janartaýy mańaıyndaǵy eń qaýipti jerlerden 16 myńnan asa adamdy evakýatsııalaý kózdelip otyr. Olardyń bir bóligi Karıb teńizindegi Sent-Lıýsııa, Grenada, Barbados jáne Antıgýa kórshiles araldaryna ornalastyrylady.
Alaıda birqatar araldardyń bıligi óz jerine tek koronavırýsqa qarsy vaktsına alǵandardy ǵana kirgizetinin aıtyp otyr, dep jazady basylym.
Adamdar krýız laınerine otyrmas buryn vaktsınalaýdan ótýi kerek.
Sent-Vınsent aralynda janartaý atqylaýy 9 sáýir kúni bastaldy. Bul sońǵy 40 jylda birinshi ret bolyp otyr. Dúleı apat saldarynan aral kúlge oranyp, kóptegen úı elektr jaryǵynsyz jáne sýsyz qaldy. Ǵalymdar janartaýdyń atqylaýy áli birneshe kúnge nemese aptaǵa sozylýy múmkin deıdi.
