Qarǵaly ózeninde jańa sý tasqynynyń qaýpi joq - ІІM TJK
ASTANA. QazAqparat - 2015 jylǵy 24 shildedegi 00.30 málimetter boıynsha Qarǵaly ózenindegi sýdyń tómengi shyǵyny 2,5 m3/s.quraıdy, al qaýipti sý shyǵyny -19,8 m3/s. Bul týraly QR ІІM TJK resmı ókili Rýslan Imanqulov habarlady.
«Almaty oblysyndaǵy gıdropostar kúsheıtilgen rejimde jumys jasaýda. Qarǵaly ózeninde jańa sel bolý qaýpi joq, delingen habarlamada.
Eske sala keteıik, tótenshe oqıǵa 23 shilde kúni túngi saǵat 03:00 shamasynda oryn alyp, kóldegi bógettiń buzylýynan 40 myń tekshe metr sý asqan. Tasqyn sý Qarǵaly ózenine quıyp, odan asqan sý Almaty qalasynyń úsh aýdanyn ishinara basyp ótti. Sonyń ishinde Naýryzbaı aýdany sel tasqynynan kóbirek japa shegip otyr. Sonymen birge Qarǵaly ózeni bógeti mańynan 1036 adam qaýipsiz jerge shyǵaryldy.
