Qarǵaly ózeni boıyndaǵy seldiń ótýi jóninde aqparat berý úshin «qaýyrt jeli» iske qosyldy - QR ІІM TJK
ASTANA. QazAqparat - Almatyda sel tasqyny saldarynan zardap shekkenderge kómek kórsetetin «qaýyrt jeli» iske qosyldy, dep habarlaıdy QR ІІM Tótenshe jaǵdaılar komıtetiniń baspasóz qyzmetinen.
«Almaty qalasyndaǵy Qarǵaly ózeni boıyndaǵy seldiń ótýi jóninde aqparat berý úshin QR ІІM Tótenshe jaǵdaı komıtetiniń daǵdarys jaǵdaılaryn basqarý ortalyǵynda (Astana qalasy) - 533279, 323289; Almaty qalalyq Tótenshe jaǵdaılar departamentiniń 8-727-2742219 qaýyrt jeli telefondary jumys isteýde», delingen habarlamada.
Esterińizge sala keteıik, tótenshe oqıǵa 23 shilde kúni túngi saǵat 03:00 shamasynda oryn alyp, kóldegi bógettiń buzylýynan 40 myń tekshe metr sý asqan. Tasqyn sý Qarǵaly ózenine quıyp, odan asqan sý Almaty qalasynyń úsh aýdanyn ishinara basyp ótti. Sonyń ishinde Naýryzbaı aýdany sel tasqynynan kóbirek japa shegip otyr. Sonymen birge Qarǵaly ózeni bógeti mańynan 1036 adam qaýipsiz jerge shyǵaryldy.
