Qarǵaly aýylynda qyz balany jábirlegen áıeldiń ústinen qylmystyq is qozǵaldy
Tekserý kezinde vıdeodaǵy áıel 1999 jylǵy T. esimdi áıel ekeni belgili bolǵan. Aldyn ala málimetter boıynsha, kelinshek qarshadaı qyzǵa onyń ata-anasymen aradaǵy kıkiljińge baılanysty zábir kórsetken.
«Bul fakt Jambyl aýdany polıtsııa bólimindegi sotqa deıingi tergeýdiń biryńǵaı tizbesine Qylmystyq kodekstiń 389-baby boıynsha tirkeldi. Іs boıynsha oqıǵanyń mán-jaıy anyqtalyp jatyr. Sonyń qorytyndysy boıynsha protsessýaldyq sheshim shyǵarylady. Sonymen birge, tıisti saraptama tekserýleri taǵaıyndaldy», - deıdi Almaty oblysy polıtsııa departamentiniń bastyǵy Baýyrjan Álenov.
Eske salaıyq, buǵan deıin Bala quqyqtary jónindegi ýákil Dınara Zákıeva áleýmettik jelide qyz balany jábirleýshi adamnyń kórshi áıel ekenin, qazir aýyldan boı jasyryp úlgergenin jazǵan bolatyn.
«Kórshi áıel aýyldan ketip qalǵan, ony izdestirý jumystary júrgizilip jatyr. Balamen mektep psıhologi jumys isteıtin bolady», - dedi Dınara Zákıeva.
