21:16, 02 Sáýir 2024 | GMT +6
Qarǵaly ózeniniń bógetinde táýlik boıy kezekshilik qoıyldy
ALMATY. KAZINFORM – Almaty qalasy Naýryzbaı aýdanynyń ákimi Nazıra Toǵyzbaeva sý tasqyny qaýpi bolýyna oraı Qarǵaly ózeniniń bógetin tekserip qaıtty. Bul týraly ol Instagram paraqshasynda jazdy.
«Qazirgi tańda jaǵdaı turaqty. Sý deńgeıiniń kóterilý qaýpi de baıqalmady. Sondaı-aq, bógetterge 24/7 tártibimen kezekshilik uıymdastyryldy. Tikushaqpen kezekti aerovızýaldy tekserý júrgizý josparlanǵan», - dep jazdy Nazıra Toǵyzbaeva.
Eske salsaq, Almaty oblysynda «Voroshılov» sý qoımasynyń bógeti buzylǵan edi.
Saldarynan 28 adam evakýatsııalandy.
Sonymen birge, Almatyda tasqynnan zardap shekken óńirlerge gýmanıtarlyq kómek qabyldaıtyn pýnktter ashylǵanyn habarlaǵanbyz.
