Qarǵaly ózeni jasyl túske endi - zertteý nátıjesi jarııalandy

ALMATY. KAZINFORM – Almatynyń ekologııa jáne qorshaǵan orta basqarmasy synaqtan ótken sýdyń aldyn ala nátıjesin jarııalady.

4 tamyz kúni Qarǵaly ózeni jasyl túske endi.

Osyǵan baılanysty ekologııa jáne qorshaǵan orta basqarmasy, Almaty qalasynyń ekologııa departamenti, Almaty qalasynyń sanıtarııalyq-epıdemıologııalyq baqylaý departamenti jáne tabıǵat qorǵaý polıtsııasy qyzmetkerlerinen qurylǵan komıssııa Úlken Almaty ózenine tógilgen sýdy tekserý jumystaryn júrgizdi.

- Zerthanalyq taldaý nátıjeleri boıynsha Qarǵaly ózeninen alynǵan sý synamalarynda hımııalyq jáne bakterıologııalyq kórsetkishter boıynsha artyqshylyqtar anyqtalǵan joq. Sý normalarǵa sáıkes keledi. Tabylǵan boıaǵysh zattyń izderi, aldyn ala boljam boıynsha, nóserli káriz júıesine tógilgen sýda erıtin taǵamdyq boıaýǵa jatady, - dep habarlady basqarmadan.

Qazirgi ýaqytta Almaty qalasy ekologııa departamentiniń túpkilikti qorytyndysy kútilip otyr.

Eske salaıyq, osy jaǵdaıǵa baılanysty QR Ekologııa jáne tabıǵı resýrstar mınıstrligi de málimdeme jasady.