Qarǵalardyń qabileti ǵalymdardy tańdandyrdy
ASTANA. QazAqparat - Shvedtik Lýnda Ýnıversıtetiniń ǵalymdary qarǵalardyń qabiletin tekserip kórmek bolyp sheshti. Ǵylymı tájirıbe bes qarǵaǵa jasaldy.
Olar torǵa joǵary qaratyp tútik, tas, shar, aǵash saqınamen qorap ornatty. Qustar eger tútikke tas laqtyrsa, qoraptan taǵam túsetinin tez uqty, al shar men saqına kútken nátıje bermedi.
Budan soń qarǵalarǵa biraz ýaqytqa eshbir qosymsha zatsyz qorap qoıdy. Artynan «qurylǵyny» alyp tastap, tas, basqa da zattar salynǵan podnosqa aýystyryldy. 15 mınýttan keıin qorap qaıtadan paıda boldy. Sol kezde qarǵalar taǵamǵa jetkizetin «kiltti» tańdaı aldy. Tsıkl birneshe ret qaıtalandy. Kóp jaǵdaıda qarǵalar podnostan tasty ǵana alyp otyrǵan.
Zertteýshiler tapsyrmany kúrdelendirip, qorapty torǵa kelesi kúni ǵana qoıǵanda, qustar ózderine tasty qaldyryp otyrǵan. Eksperımentterdiń birinde podnosqa tas qoıylǵan joq, artynsha qarǵalar onyń ornyna kók plastıkalyq qalpaqshany alýǵa bolatynyn uqty. Barlyq qustar qalpaqshany ala bastady. Ony almastyrǵannan keıin taǵamdy tastyń kómegimen aldy.
Science jýrnalynda jarııalanǵan bul ǵylymı tájirıbege baılanysty keıbir sarapshylar qarǵalardyń bolashaqty baǵamdaı alatyndyǵy jóninde óz pikirlerin bildirýde.
