Qarǵalar adamdarǵa shabýyl jasaı bastady
ASTANA. QazAqparat - Mıýnhende qarǵalardyń adamǵa shabýyl jasaýynyń birqatar oqıǵasy tirkeldi.
Qalalyq bılik ókili Krıstın Nettelnbreherdiń habarlaýynsha, qazirgi kezde qarǵalar shahar turǵyndarynyń densaýlyǵyna qaýip tóndirýde. Máselen, Rıhard Ebert esimdi azamatqa kem degende úsh qarǵa jabylyp, onyń basyn birneshe jerden jaraqattaǵan. Sonymen qatar birqatar kýágerler bul qustardyń balalarǵa da shabýyl jasaǵandyǵyn habarlaǵan eken.
Mamandardyń sózinshe, qarǵalar uıa salatyn kezde óziniń aýmaǵyn qorǵaý úshin tosyn minez tanytýy múmkin.
Osy oraıda mıýnhendikterge qustar uıa basatyn bıik aǵashtardan aýlaq júrý týraly eskertildi. Sonymen qatar balalar oınaıtyn alańdardyń ústine qorǵanys torlaryn tartý usynystary jasalýda, dep jazady Rosbalt.
