«Karen» tropıkalyq daýyly týraly jańalyqtarǵa oraı munaıdyń álemdik baǵalary ósti
ASTANA. 6 qazan. QazAqparat - «Karen» tropıkalyq daýyly Meksıka shyǵanaǵynan munaı jetkizilýin qysqartýy múmkindigine baılanysty munaıdyń álemdik baǵalary ósti.
Reseılik «Jańalyqtar» agenttiginiń habarlaýynsha, soltústikteńizdik Brent Crude Oil munaı qospasyna qarasha aıyndaǵy fıýcherster 0,46 dollarǵa kóterilip, barreli 109,46 dollarǵa jetti. WTI jeńil munaıyna qarasha fıýchersteriniń quny 0,53 dollarǵa artyp, barreli 103,84 dollardy qurady.
Meksıka shyǵanaǵy alabynda munaı men gaz óndiretin energetıkalyq kompanııalar «Karen» daýylynyń jolyndaǵy birqatar nysandardy toqtatýda. Máselen, BHP Billiton AQSh-taǵy barlyq munaıdyń besinshi bóligin óndiretin shyǵanaqtaǵy eki platformasynyń qyzmetkerlerin túgel kóshirgenin habarlady. Royal Dutch Shell, BP jáne Chevron kompanııalary qyzmetkerlerin ishinara kóshirilmek, biraq olar táýliktik munaı óndirý kólemi tómendemeıtini týraly málimdedi.
