Qardyń molynan túsýi Mıýnhendegi áýejaıdyń jumysyn toqtatty
ASTANA. 15 aqpan. QazAqparat - Sársenbi kúni Bavarııada qardyń molynan túsýi saldarynan 90-ǵa jýyq mıýnhendik áýe reısteri toqtatyldy. Bul týraly jergilikti BAQ-qa silteme jasap Ýtro.rý habarlaıdy.
Jýrnalısterdiń málimetterinshe, Lufthansa áýekompanııasynyń Tsıýrıh, Leıptsıg, Frankfýrt, Bazel jáne Lıonnan reıster alynyp tastaldy, sondaı-aq Býharest, Parıj jáne Gambýrgke ushyrý kidirtildi.. Basqa da kóptegen reıster toqtatyldy. Osynyń barlyǵyna bir sebep - qardyń kóptep túsýi boldy.
Mıýnhen áýejaıynyń ushý jolaqtaryn únemi qardan tazalaýǵa týra kelip otyr. Qazirgi kezde Bavarııa astanasynda temperatýra +1 gradýsty kórsetip, qar jaýyp tur. Sınoptıkter boljamyna sáıkes, qar jaýý sársenbi kúni keshke qaraı basylmaq.
