Qardyń kóptigine alańdaýdyń reti joq - QR AShM
«Qazgıdromet» málimetinshe, Qazaqstannyń jazyq jerlerinde, ortalyq bóliginde ylǵal men qardyń jınalǵan qory normadan 25-30 paıyzǵa artyq. Shyǵys Qazaqstan, Almaty, Jambyl oblystarynyń taýly jerlerinde ortasha jyldyq normadan 50 paıyzǵa deıin jetip otyr. Alaıda, bul jaǵdaı Qazaqstanda sý tasqyny qaýpi bar ekendigin bildirmeıdi. Barlyǵy qardyń erýine áser etetin temperatýralyq rejimge baılanysty»,-dedi komıtet basshysy baspasóz máslıhatynda.
Osy oraıda ol 2014 jyly ShQO-daǵy jaǵdaıdy mysalǵa keltirdi.
«2014 jyly Shyǵys Qazaqstan oblysynda qar eki ese kóp kólemde túskenimen, sý tasqyny bolǵan joq. Sonymen qatar ortasha kópjyldyq deńgeıden qar qory az tússe de, kúnniń kúrt jylynýy men jańbyrdyń saldarynan tasqyn sý basatyn jaǵdaılar bar. Sondyqtan da sý tasqynyna týra boljam jasaý qıyndaý. Degenmen de Sý resýrstary komıteti, TJ komıteti, ákimdikter bul baǵytta aýqymdy jumystar atqardy. Tıisti jospar ázirlenip, oǵan sáıkes barlyq máseleler pysyqtaldy. Búginde tehnıkalyq jáne materıaldyq quraldardy tekserý sharalary atqarylýda»,-dedi Ábishev.