Qardy ýaqytynda jınamaǵan elordalyq kásipkerlerge aıyppul salyndy

ASTANA. QazAqparat - Elordanyń sanıtarlyq jaǵdaıyn jaqsartý jáne qala aýmaǵyn qardan, muzdan jáne qoqystan tazalaýdy baqylaý maqsatynda elordalyq ІІD Jergilikti polıtsııa qyzmetiniń tabıǵat qorǵaý polıtsııasynyń qyzmetkerleri kezekti reıd ótkizdi. Bir kún ishinde sanıtarlyq tazartý erejelerin buzǵany úshin 50-den asa quqyq buzýshy jaýapqa tartyldy, dep habarlaıdy qala ákimdiginiń saıty.

Mysaly, Báıseıitova kóshesinde ornalasqan dúkendi jalǵa alýshyǵa 30 AEK (68 070 teńge) kóleminde aıyppul salyndy.

2016 jyly tabıǵat qorǵaý polıtsııasynyń qyzmetkerleri qalany abattandyrý erejelerin buzǵany úshin 5 myńnan asa zańdy jáne jeke tulǵany jaýapqa tartqan. Aıyppuldyń jalpy somasy 63 mln teńgeden asyp tústi.

Astana qalasyn abattandyrý erejelerine sáıkes, qala kóshelerinen keletin jáne bekitilgen aýmaqtardy, kire beristerdi tazartýdy jáne kútip ustaýdy bólingen aýmaqtarda ornalasqan qurylystardy paıdalanatyn jáne menshigine alǵan zańdy jáne jeke tulǵalar iske asyrady. Osy rette kásipkerler tazalaý jumystaryn óz betimen nemese mamandandyrylǵan kásiporyndarmen kelisimshart boıynsha iske asyrady.

Jaqyn mańdaǵy aýmaqty qar men qoqystan ýaqytynda tazalamaǵany úshin shaǵyn jáne orta bıznes obektileri QR ÁQBK 505-baby «Qalalar men eldi mekenderdi abattandyrý erejelerin buzý» boıynsha ákimshilik jaýapkershilikke tartylady.