Qardy ruqsat etilmegen jerge tókken 22 astanalyq aıyppul tóledi
ASTANA. QazAqparat - Jyl basynan beri elordalyq tabıǵat qorǵaý polıtsııasynyń qyzmetkerleri kóshedegi jáne joldaǵy qardy ruqsat etilmegen jerlerge tókkeni úshin 22 avtokólik júrgizýshisin ákimshilik jaýapkershilikke tartty, dep habarlaıdy QazAqparat Astana qalasy ákimdiginiń resmı saıtyna silteme jasap.
Astana q. ІІD Jergilikti polıtsııa qyzmetiniń habarlaýynsha, júrgizýshilerge 509 040 teńge kóleminde aıyppul salyndy.
«Qysqy kezeńde qala aýmaǵyn jınaý erekshelikteri» abattandyrý Erejelerine sáıkes, kóshedegi jáne joldaǵy qardy arnaıy daıyndalǵan alańdarǵa shyǵarý qajet.
Aıta keteıik, arasynda qoqysy joq qardy kelesi meken jaılar boıynsha shyǵarýǵa ruqsat etilagen:
«Almaty» aýdany - Jeleznodorojnyı turǵyn alqabyndaǵy áskerı bólimsheniń syrtyna.
«Saryarqa» aýdany - N. Tilendıev dańǵyly, «Taım» JQS aýdany.
«Esil» aýdany - Rojdestvenka tas joly, «Rýbej» beketiniń syrtynda, oń jaqta. Sondaı-aq, sý tazartqysh qurylystarynyń aýdanynda 27-shi kóshede balqytý stansysy.
