Kardıologtar Kongresinde keleli máseleler talqylanbaq
ASTANA. 5 maýsym. QazAqparat - 2012 jylǵy 6-8 maýsymda Almatyda «Innovatsııalyq tehnologııalar - tájirıbelik kardıologııaǵa!» taqyrybynda QR Kardıologtarynyń IV Kongressi ótedi.
Bul is-shara respýblıkanyń kardıologııa, ınterventsııalyq kardıologııa, kardıohırýrgııalyq qyzmetteriniń jáne jalpy densaýlyq saqtaý salasynyń damýy úshin mańyzdy kezeń bolyp tabylady. Bul týraly QR Densaýlyq saqtaý mınıstrliginiń baspasóz qyzmeti habarlaıdy.
Kongrestiń ashylýy 2012 jylǵy 7 maýsymda saǵat 09-00-de, Almaty qalasy, Baızaqov kóshesi, 280, Almaty Towers bıznes-kesheni, «Ball-room №1» meken-jaıynda ótedi.
Uıymdastyrýshylar: QR Densaýlyq saqtaý mınıstrliginiń «Kardıologııa jáne ishki aýrýlar ǵylymı-zertteý ınstıtýty» jáne QR Kardıologtarynyń qaýymdastyǵy.
Kongreske 300-den astam adam, onyń ishinde alys shetelderden (Belgııa, Germanııa, Vengrııa, Italııa, Ispanııa jáne t.b.) jáne TMD (Reseı, Belarýs, Qyrǵyzstan, Ózbekstan, Ýkraın jáne t.b.) elderinen kelgen jetekshi ǵalymdar, respýblıkanyń barlyq óńiriniń densaýlyq saqtaý uıymdary men organdarynyń jetekshileri, kardıologtar men karrdıohırýrgter qatysady.
