Kardıologııadaǵy ınnovatsııa: jasandy ıntellekti bar tamyrishilik ÝDZ qoljetimdi boldy
ASTANA. KAZINFORM — Almatydaǵy Kardıologııa jáne ishki aýrýlar ǵylymı‑zertteý ınstıtýty koronarlyq arterııalardy zertteýge arnalǵan jasandy ıntellekti bar jańa býyn tamyrishilik ýltradybys (TІÝDZ) júıesin klınıkalyq tájirıbege engizdi. Innovatsııalyq ádis Reseıdiń jetekshi rentgenhırýrgi Vladımır Ardeevtiń qatysýymen ótken sheberlik saǵaty aıasynda alǵash ret qoldanyldy.
Instıtýt basqarma tóraǵasy Marat Pashımovtyń aıtýynsha, rentgenoperatsııalyq blok zamanaýı jabdyqtarmen tolyq jaraqtalǵan ári organızmniń kez kelgen bóliginde rentgenbaqylaýmen kúrdeli operatsııa jasaýǵa múmkindik beredi.
— Biz Qazaqstanda osy tehnologııany usynǵan alǵashqy medıtsınalyq mekemelerdiń biri boldyq, — dedi ol.
Avvigo+ atty jańa júıeniń kómegimen dárigerler arterııalardy dál ári jyldam ólshep, tarylý deńgeıin, stenttiń uzyndyǵy men dıametrin 0.1 mm dáldikpen, sondaı-aq zaqymdanǵan aımaqqa deıingi jáne keıingi tamyrlardyń erekshelikterin anyqtaı alady. Bul operatsııany barynsha dál jáne patsıent úshin qaýipsiz júrgizýge kómektesedi.
Rentgenendovaskýlıarlyq operatsııalyq blok meńgerýshisi Alekseı Kolesnıkov TІÝDZ qoldaný stent trombozy men restenoz qaýpin tómendetetinin atap ótti.
— Dıagnostıkalyq ádistiń absolıýttik qarsy kórsetilimi joq, — dedi maman.
Master‑klass barysynda 10 sátti operatsııa jasaldy. Instıtýt ókilderi jańa tehnologııany ulttyq deńgeıde keńinen qoldanýǵa nıetti.
Eske salaıyq, almatyda kardıohırýrgtar Mysyr azamatynyń ómirin saqtap qalǵany jaıly jazǵanbyz.