Kardıologııa jáne ishki aýrýlar ǵylymı-zertteý ınstıtýtynyń basshysy aýysty
ASTANA. KAZINFORM — Rústem Muhtaruly Tóleýtaev «Kardıologııa jáne ishki aýrýlar ǵylymı-zertteý ınstıtýty» AQ Basqarma tóraǵasy bolyp taǵaıyndaldy. Bul týraly DSM baspasóz qyzmeti málim etti.
Tıisti sheshim S. Asfendııarov atyndaǵy Qazaq ulttyq medıtsına ýnıversıtetiniń Dırektorlar keńesiniń otyrysynda qabyldandy.
Rústem Tóleýtaev klınıkalyq jáne basqarýshylyq tájirıbesi mol Qazaqstannyń jetekshi kardıohırýrgtarynyń biri bolyp sanalady.
2006 jyly Novosibir memlekettik medıtsına ýnıversıtetiniń emdeý fakýltetin, 2007 jyly Novosibir oblystyq aýrýhanasynyń bazasynda jalpy hırýrgııa boıynsha ınternatýrany, 2009 jyly akademık Meshalkın atyndaǵy qanaınalym patologııasy ǴZI-da júrek-qantamyrlary hırýrgııasy boıynsha klınıkalyq ordınatýrany úzdik bitirdi.
2013 jyly Milano-Bicocca (Italııa) ýnıversıtetinde kardıohırýrgııa boıynsha magıstr dárejesin qorǵady.
2009-2015 jyldary akad. Meshalkın atyndaǵy qanaınalym patologııasy ǴZI jańa hırýrgııalyq tehnologııalar ortalyǵynda kardıohırýrg, sondaı-aq 2012-2013 jyldary — Italııanyń Bergamo qalasyndaǵy Papa Giovanni XXIII klınıkasynyń kardıohırýrg dárigeri bolyp jumys istedi.
2015 jyldan bastap 2019 jylǵa deıin A.Syzǵanov atyndaǵy Ulttyq ǵylymı hırýrgııa ortalyǵynyń kardıohırýrgııa jáne júrekti transplantattaý bóliminiń (Almaty q.) meńgerýshisi qyzmetin atqardy.
2019 jyldan bastap osy ýaqytqa deıin kardıohırýrgııa qyzmetin basqardy jáne júrek-qanaınalymy zerthanasymen jáne Kardıologııa jáne ishki aýrýlar ǴZI operatsııalyq blogymen kardıohırýrgııa bólimin basqardy.
Rústem Tóleýtaev — medıtsına ǵylymdarynyń kandıdaty, PhD doktory, densaýlyq saqtaý magıstri, «QR densaýlyq saqtaý isiniń úzdigi».
«Densaýlyq saqtaý isine qosqan úlesi úshin» tósbelgisimen, S. J. Asfendııarov atyndaǵy QazUMÝ-dyń Altyn medalimen, Qazaqstan kardıologtary qaýymdastyǵynyń «Aq júrek» tósbelgisimen, sondaı-aq qazaqstandyq transplantologııany damytýǵa qosqan úlesi úshin Heart Center Foundation endaýment-qorynyń estelik belgisimen marapattalǵan.
Budan buryn Shymkentte Arman Ábdeshovke qatysty isten keıin basqarmaǵa ýaqytsha basshy kelgenin jazǵan edik.