Kardıolog mamandar adamdardy qatty ashýlanbaýǵa shaqyrady
ASTANA. QazAqparat - Ashýshań adamdar 1 ret qatty ashýlansa júrek talmasyna ushyraý qaýpin 10 esege kóbeıtedi, dep jazady Sıdneı ýnıversıtetiniń jańalyǵyna silteme jasaǵan The Telegraph.
Ashýlanǵannan keıin de onyń adam aǵzasyna eki saǵattaı ýaqytty alatyn qıyndyǵy jáne áseri bar. Dál sol sátte júrek talmasyna ushyraý qaýpi 9,5 esege artady.
Sondyqtan, qan qysymyn tómendetetin dári-dármekti ishýdiń máni bar. Taldaý kórsetkendeı, ashý ádette otbasylyq, jumystaǵy urys-keris sekildi túrli máseleden týady. Osynyń barlyǵy júrektiń jıi soǵýyna, qan qysymynyń kóterilýine jáne trombtardyń paıda bolýyna áser etedi.
