«Qardyń qalyńdyǵy 10-15 sm». SQO-da boran, bir aýdanda jol jabyq
PETROPAVL. KAZINFORM — Soltústik Qazaqstan oblysyna qys keldi. Tańerteńnen jaýǵan qardyń arty boranǵa ulasyp, turǵyndardy ábigerge salyp jatyr. Al Esil aýdanynda jergilikti atqarýshy organdar joldy jabýǵa sheshim qabyldady.
Óńir bir sátte qarǵa orandy. Tańerteńnen toqtaýsyz jaýǵan qardyń bıiktigi Petropavlda keı jerlerde 10-15 sm-ge jetken.
«Qazgıdromet» RMK SQO fılıalynyń málimetinshe, Petropavlda qazirgi ýaqytta jeldiń ekpini sekýndyna 22 metr. Erteń de osyndaı aýa raıy saqtalmaq.
«Oblystyń basym bóliginde kúndiz kóktaıǵaq, burqasyn bolady. 7 qarashada túnde oblystyń soltústiginde qatty qar jaýady, basym bóliginde kóktaıǵaq, burqasyn. Táýlik boıy ekpini sekýndyna 15-20 metrge, ońtústigi men shyǵysynda sekýndyna 30 metrge deıin jetetin qatty jel turady», — delingen habarlamada.
SQO tótenshe jaǵdaılar departamentiniń málimetinshe, jol-kólik apattarynyń aldyn alý úshin Esil aýdanynda kólik qozǵalysyna shekteý qoıyldy.
Buǵan deıin óńirde 5 mlrd teńgege tasqyn shaıǵan qorǵanys bógetteri qalpyna keltirilip jatqanyn jazǵan edik.
