Qarbyz jeý qan qysymyn qalypqa keltiredi - ǵalymdar
ASTANA. QazAqparat - AQSh-tyń Florıda shtatynyń ǵalymdary zertteý júrgizip, nátıjesinde qarbyzdyń qan qysymyn qalypqa keltiretinin anyqtady, dep habarlaıdy Ladyportal.
Zertteý nátıjeleri týraly saraptama júrgizgen jetekshi mamandar aıtyp bergen. Olar 6 apta boıy 10 eriktiniń jalpy densaýlyǵy men qan qysymyn tekserip otyrǵan. Zertteýge qatysýshylarǵa kún saıyn qarbyz ekstrakty berilip otyrǵan.
Nátıjesinde atalǵan ekstraktini qabyldaǵandardyń qan tamyrlarynyń kúıi jaqsaryp, gıpertonııa dertinen aıyqqan. Sonyń arqasynda olardyń júrek-qan tamyry aýrýlaryna shaldyǵý qateri azaıǵan. Demek, qarbyzdyń quramyndaǵy zattar qan tamyrlaryn keńeıtedi. Jemis quramyndaǵy L-citrulline dep atalatyn mańyzdy komponent gıpertonııa men júrek aýrýlarynyń aldyn alady.
