Qarbalas ýaqytta Almatydaǵy 50-ge jýyq qıylysta kólik qozǵalysy qolmen retteledi

ALMATY. QazAqparat - Almatyda keshki qym-qýyt ýaqytta 50-ge jýyq kóshe qıylysynda jol qozǵalysy qolmen retteledi, dep habarlaıdy QazAqparat tilshisi.

Kólik kóp júretin qıylystarda qolmen retteý «qarbalas ýaqytta» kún saıyn: saǵat 7.00-den 9.00-ge deıin jáne 17.30-dan 20.30-ǵa deıin qoldanylady.

Taldaý kórsetkendeı, tańerteń shyǵys baǵyttaǵy qozǵalys óte tyǵyz, al keshke qalada jol qaýipsizdigin qamtamasyz etý úshin qosymsha kúsh-quraldardy paıdalanýǵa týra keledi.

Qolmen retteýge patrýl polıtsııa qyzmetkerleri men mamandandyrylǵan batalon qatysady.

Aıta ketý kerek, birneshe jyl buryn qolmen basqarylatyn kólik joldary eki ese kóp bolǵan.

«Alaıda, bul ýchaskelerdiń kópshiliginde qaıta qurý, jer ústi jáne jerasty jaıaý júrginshiler ótkelderin salý jáne kólik quraldarynyń ótkizý qabiletin jaqsartýdyń arqasynda keptelis azaıdy»,– dedi Almaty qalalyq polıtsııa departamenti jergilikti polıtsııa qyzmeti basqarmasynyń bastyǵy Manap Sattarov.