«Qarajorǵa» bıi Azıadanyń ashylý saltanatyna usynyldy
ALMATY. Qyrkúıektiń 29-y. QazAqparat /Erbol Turymbetov/ - 7-shi Qysqy Azııa oıyndarynyń ashylý saltanatyna «Qara jorǵa» bıi usynyldy.
Bul týraly búgin Almatyda ótken baspasóz máslıhatynda aıtyldy.
Qazaqtyń ulttyq bıi «Qarajorǵany» «Jezbuıda» qoǵamdyq birlestigi men «Qarajorǵa» óner ujymy birlesip usynyp otyr. Ondaǵy maqsat, Olımpıada kezindegi ulttyq qundylyqtarymyzdy jete tanystyrý, qazaqtyń tól ónerin keńinen nasıhattaýdy kózdeıdi.
«Ulttyq bıimizdi dúbirli dodanyń ashylý saltanatyna usyný týraly QR Týrızm jáne sport mınıstrligine jáne uıymdastyrý komıtetine usynys-hat jiberildi. Maquldap jatqan jaǵdaıda bıdi joǵary deńgeıde uıymdastyrýǵa mol múmkinshiligimiz bar. Ol úshin 1000-2000 kásipqoı bıshi ońaı tabylady. Osy arqyly álemdik jarysta qazaqtyń tól ónerin kórsetsek deımiz», deıdi «Qarajorǵa» óner ujymynyń jetekshisi Talapbek Tynysbek. Onyń aıtýynsha, bıdi baǵdarlamaǵa engizgen jaǵdaıda ony ótkizýge kóp shyǵyn ketpeıdi. Sebebi, qazir halyqtyń bári habardar jáne bıge degen yntasy óte joǵary.
Ulttyq bıimizdiń has sheberi Arystan Tosynulynyń aıtýynsha, «Qarajorǵany» búginde Túrkııada, Avstrııada medıtsına salasynda qoldanady. «Men bul bıdi olarǵa osydan 40 jyl buryn úıretkenmin. Endi 15 jyl boıy Qazaqstanda nasıhattaýmen kelemin. Bul ertedegi shamanızmnen qalǵan baqsylyq bı bolatyn. Men oǵan sál ózgertý engizip, býyn bı jasadym. Bul densaýlyqqa óte paıdaly», deıdi A. Tosynuly.
