Qarajat tapshylyǵynan pragalyq «Lev» QHL chempıonatyna qatyspaıtyn boldy
ASTANA. QazAqparat - 2014 jylǵy Gagarın kýboginiń fınalısi Praganyń "Lev" hokkeı klýby qarjylyq kepildemeniń joqtyǵynan aldaǵy oıyn maýsymyna qatyspaıdy, dep habarlaıdy Qurlyqtyq hokkeı lıgasynyń baspasóz qyzmeti.
"Ókinishtisi, joǵary deńgeıde óner kórsetýine qajetti qarjynyń tolyq somasyn jınaı almaǵandyqtan "Lev" hokkeı komandasy QHL-dyń 2014/2015 maýsymyna qatysa almaıtyn boldy ", - deıdi QHL-dyń baspasóz qyzmeti. Bul týraly klýbtyń demeýshileri Petr Speıhal men Evgenıı Myshkovskıı málimdegen.
"Lev" Qurlyqtyq hokkeı lıgasynyń tolyqqandy múshesi bolyp qala beredi jáne jetkilikti qarjy somasy tabylǵannan keıin olar kelesi maýsymǵa qatysa alady.
Eske sala keteıik, Praganyń "Lev" komandasy 2013/2014 maýsymnyń fınalynda magnıtogorskilik "Metallýrgke" ese jiberip, ekinshi oryndy ıelengen bolatyn.
QHL-dyń 7-shi chempıonaty 4 qyrkúıekte bastalady.
Al, Qazaqstandyq "Barys" hokkeı klýby jańa maýsymdy jańa bas bapker - Andreı Nazarovtyń jetekshiligimen bastamaq.
