«Qarajanbasmunaı» AQ munaıshylary spartakıada ótkizdi
ASTANA. 23 tamyz. QazAqparat - Mańǵystaý munaıynyń 50 jyldyǵyn toılaý aıasynda 11-21 tamyzda «Qarajanbasmunaı» AQ munaıshylary sporttyń alty túri boıynsha spartakıada ótkizdi.
Bul týraly aktsıonerlik qoǵamnyń baspasóz qyzmeti habarlady.
On kún boıy Qarajanbas ken ornynda stol tennısi, voleıbol, kir tasyn kóterý, arqan tartý, shaǵyn fýtbol men bılıardtan týrnırler ótti.
Jarystarǵa «Qarajanbasmunaı» AQ jumysshylary ǵana emes, sonymen qatar «TulparMunaıServıs» JShS men «ArǵymaqTransServıs» JShS sekildi merdigerlik kompanııalar da qatysty. Shaǵyn fýtboldan ótkizilgen joldastyq matchqa Qalamqas munaıshylary da belsendi aralasty.
Jarystardyń shymyldyǵyn «Qarajanbasmunaı» AQ vıtse-prezıdenti Qaıyrbek Eleýsinov ashty.
