«Qarajanbas» sý tuşytý zaýyty 10 mıllıon tekshe metrge jýyq óndiristik sý paıdalanýǵa berdi
AQTAÝ.KAZINFORM — Ortalyq Azııa jáne qytaılyq «Jenmın jıbao» gazeti jýrnalısteri «Bir beldeý — Bir jol» taqyrybymen ótken birlesken baspasóz týry aıasynda Mańǵystaý obylysy «Qarajanbas» ken ornyndaǵy ilespe qabat sýyn tushytý zaýyty jumysymen tanysyp qaıtty.
Zaýyt ókilderiniń aıtýynsha, Jobanyń bas ınvestory Qytaıdyń CITIC Group memlekettik korporatsııasynyń quramyna kiretin CITIC Envirotech ltd. bolyp tabylady. Zaýyt 2022 jyly 1 shilde kúni synaq rejıminde iske qosylyp, 2024 jylǵy 27 maýsym ónerkásiptik paıdalaný kezeńine kóshti.
Sý tushytý zaýytynyń bas dırektory Dıng Tszeniń tanystyrýynsha, nysannyń aýdany 36000 sharshy metr, óndiristik qýaty kúnine 17000 tekshe metr. Qazirgi ýaqytta bul — Qazaqstandaǵy munaı ken ornyndaǵy eń iri joba sanalady. Sonymen qatar, tazartylǵan sý Qarajanbas ken ornynyń qazandyqtarynda bý aıdaý úshin paıdalanylady, bul ken ornynyń Edil sýyn tutynýǵa táýeldiligin azaıtyp, Edil ózeni sýynyń kólemin Mańǵystaý oblysy halqynyń qajettilikterine paıdalanýǵa múmkindik beredi.
Zaýyttyń aýysym basshysy Bekzat Nurkenuly jýrnalısterge sý tushytý basrysymen tanystyrdy.
Onyń aıtýynsha, munaımen birge óndiriletin ilespe qabat sýy jalpy tórt staydan ótedi.
— Eń áýeli, biz munaımen sýdy ajyratamyz. Odan keıin sýdyń quramyndaǵy aýyr qosyndylardy tazartyp, qajetti jeńil mıkroelementterdi joǵary kóteremiz. Osydan shyqqan taza sý ortasha súzgi jáne juqa súzgi basqyshynan ótedi. Bul kezeńde, sýdyń quramyndaǵy barlyq zııandy elementter súzilip, ýltra súzgige kúsh túsirmeıdi. Qortyndysynda, tazalanǵan tehnıkalyq sý keri osmos rásiminen ótedi, — dedi ol.
Bekzat Nurkenulynyń aıýynsha, synaq rejıminde iske qosylǵannan bastap búgingi kúnge deıin zaýytta 10 mıllıon tekshe metr sý tushytyldy.
— Barlyq basqysh tolyq avtomatty alystan basqarý júıesimen qadaǵalanady. Tazartylǵan sýdyń sapasy jáne qurylǵylardyń jaǵydaıy týraly barlyq ınformatsııalar ortalyq basqarý júıesinde kórinip turady. Qazirgi ýaqytqa deıin, 9 621 35 tekshe metr sý tushytylyp, Qarajanbas ken orynyna jiberildi, — dedi ol.
Aıta keteıik, Tazartylǵan jerasty sýynyń barlyq kólemi ken ornynda tehnıkalyq maqsatta paıdalanylady.
Osyǵan deıin habarlaǵanymyzdaı, Aqtaýda Jańaózen qalasynda jańa gaz óńdeý zaýytyn salý barysy talqylandy.