Qarajaldaǵy iri jobaǵa ózge kompanııanyń 23 mln teńge qaryzy kedergi bolǵan
ASTANA. KAZINFORM — Ulytaý oblysynyń Qarajal qalasynda temir-marganets kenin óndirýge arnalǵan 2,5 mlrd teńgelik ınvestıtsııalyq jobany iske asyrýǵa kedergi bolǵan másele sheshildi. Buǵan basqa kompanııanyń 23 mln teńge salyq bereshegine baılanysty jerge salynǵan aýyrtpalyq sebep bolǵan.
«Saryarqa IRON» JShS Úlken Qytaı ken ornynda ınvestıtsııalyq jobany júzege asyryp jatyr. Astananyń mamandandyrylǵan aýdanaralyq soty 2025 jylǵy 5 qyrkúıektegi sheshimimen ınvestorǵa jer ýchaskesin qaıtaryp, jer qoınaýyn paıdalaný kelisimshartyn qalpyna keltirgen.
Alaıda burynǵy jer qoınaýyn paıdalanýshynyń 23 mln teńge salyq bereshegine baılanysty jer ýchaskesin tolyq rásimdeý múmkin bolmaǵan. Investordyń bul qaryzǵa qatysy joq ári ol basqa zańdy tulǵanyń mindettemeleri úshin jaýap bermeıdi.
Qarajal qalasynyń prokýratýrasy Investorlardyń quqyqtaryn qorǵaý komıtetiniń úılestirýimen zańsyz aýyrtpalyqty alyp tastaýǵa yqpal etti. Osylaısha, ınvestıtsııalyq jobany iske asyrýǵa kedergi bolǵan másele sheshilip, ınvestordyń quqyǵy qorǵaldy.
Eske salaıyq, buǵan deıin qate engizilgen 24 derek ınvestordy mıllıondaǵan teńge sýbsıdııadan qaǵa jazdaǵanyn jazǵanbyz.
