Qarajalda joǵalǵan bala belgisiz er adammen bos turǵan úıden tabyldy

QARAJAL. QazAqparat – 26 sáýirde Qaraǵandy oblysynyń Qarajal qalasynda joǵalǵan kishkentaı qyz tabyldy, dep habarlaıdy QazAqparat tilshisi.

Keshe túnde Qarajalda jergilikti turǵyn balasynyń joǵalyp ketkeni týraly polıtsııaǵa aryz bergen. Ol aýlada oınap júrgen jerinen joǵalyp ketken.

«Aǵymdaǵy jylǵy 26 sáýirde saǵat 22.26-da Qaraǵandy oblysy Qarajal qalalyq polıtsııa bóliminiń kezekshi bólimine 30 jastaǵy turǵynnan onyń kishkentaı qyzy joǵalyp ketkeni týraly aryz kelip tústi. Polıtsııa qyzmetkerleri, ákimdik, TJB ókilderi jáne eriktiler izdestirý sharalaryn júrgizdi», - dep habarlady Qaraǵandy oblysy Polıtsııa departamentiniń baspasóz qyzmetinen.

Іzdeý barysynda tártip saqshylary qańyrap bos turǵan úılerdiń birinen 55 jastaǵy qala turǵynyn anyqtaǵan. Er adamnyń janynda joǵalǵan kishkentaı qyz boldy. Qazirgi ýaqytta polıtsııa balanyń osy jerge qalaı kelgenin anyqtap jatyr.

«Atalǵan fakti boıynsha qylmystyq is qozǵaldy. Jedel-tergeý sharalary júrgizilýde. Tıisti saraptamalar taǵaıyndaldy. Ustalǵan azamat ýaqytsha ustaý abaqtysyna qamaldy», - dep túsindirdi vedomstvoda.