Qarajalda 160 oryndyq sport kesheni salynady
QARAǴANDY. QazAqparat - Qaraǵandy oblysynyń Qarajal qalasynda qazirgi zamanǵy quraldarmen jabdyqtalǵan 160 oryndyq jańa dene shynyqtyrý-saýyqtyrý kesheni salynady, dep habarlaıdy «QazAqparat» HAA tilshisi.
«Biz Qarajal qalasyndaǵy 160 oryndyq dene shynyqtyrý- saýyqtyrý kesheni qurylysynyń joba-smetalyq qujattaryn daıyndaýǵa kiristik. Keshende boks, qazaqsha kúres sııaqty ózge de tanymal sport túrleri damıtyn bolady. Jaqynda biz jobany memlekettik saraptamaǵa jiberemiz. Kelesi jyly biz atalǵan keshendi ózimizdiń qalamyzda salamyz degen oıdamyn»,-dedi qala ákimi Tilektes Dosaev.
Buǵan qosa, aımaqtaǵy mektepterdiń biriniń aınalasynan qazirgi zamanǵy talaptarǵa saı fýtbol stadıonynyń qurylysyna 43 mln teńge bólindi. Onda basketbol jáne voleıbol alańdary bolady. Bolashaqta mundaı stadıondar barlyq jalpy bilim berý mektepterinde salynatyn bolady.
