Qarajalda 12 medıtsına qyzmetkerine páter kilti tabystaldy

QARAJAL. QazAqparat – Qaraǵandy oblysy Qarajal qalasynyń medıtsına qyzmetkerlerine turǵyn úı berildi, dep habarlaıdy QazAqparat tilshisi.

Qalada Táýelsizdik kóshesi, 10 mekenjaıynda 12 páterli úı qalpyna keltirildi.

«Óńirde turǵyndardy qoljetimdi baspanamen qamtamasyz etýge erekshe kóńil bólinýde. Tek sońǵy eki jylda bıýdjet esebinen tórt úı qalpyna keltirildi. Bıyl Qarajalda Táýelsizdik kóshesindegi taǵy bir úı qalpyna keltiriledi. Memlekettik baǵdarlamalar boıynsha kezekte turǵan eki júzge jýyq adamdy turǵyn úımen qamtamasyz etýdi josparlap otyrmyz. Búgin biz dárigerlerge páter kiltterin tabystaımyz. Kadrlar tapshylyǵyn osylaı sheship jatyrmyz. Barshańyzdy qonys toıymen quttyqtaımyn, baqyt pen amandyq tileımin!» – dep Qarajal qalasynyń ákimi Tilektes Dosaev qonystanýshylardy quttyqtady.

Páterler jaıly, turmystyq tehnıkamen jáne jıhazben jabdyqtalǵan.

Jalpy tájirıbe dárigeri Shahzad Hakımzadaev, Túrkistannyń týmasy, jas maman retinde qaıta jóndelgen úıden 2 bólmeli páter aldy.

«Men Halyqaralyq qazaq-túrik ýnıversıtetiniń (HQTÝ) 2021 jylǵy túlegimin. Ótken jyldyń qyrkúıek aıynda Qarajal ortalyq aýrýhanasynyń bas dárigeriniń shaqyrýymen kelgen edim. Áriptester jyly shyraımen qarsy aldy. Búgin men 2 bólmeli páter aldym, onda ómir súrý úshin barlyq jaǵdaı jasalǵan. Úlken rahmet!» – dedi Shahzad Hakımzadaev.