Qarajal sotynyń tóraǵasy jol apatyna ushyrady - Qaraǵandy oblysy
QARAǴANDY. 22 sáýir. QazAqparat - Qaraǵandy oblysynda ótken demalys kúnderi «Almaty-Ekaterınbor» tas jolynda bolǵan jol-kólik apatynda Qarajal qalalyq sotynyń tóraǵasy zardap shekti.
Bul týraly oblystyq ІІD baspasóz qyzmetinen habarlandy.
Tártip saqshylarynyń málimetine súıensek, apat 20 sáýir kúni Shet aýdanyndaǵy Aqsý-Aıýly aýylynan 50 shaqyrym jerde, «Almaty-Ekaterınbor» tas jolynda bolǵan.
««BMV-525» kóliginiń júrgizýshisi, Aqsý-Aıýly aýylynyń 53 jastaǵy turǵyny basqarý tetigine ıe bola almaı, temir tulpar aýdarylǵan. Saldarynan eki jolaýshy - Qarajar qalasynyń 45 jastaǵy turǵyny qalalyq sottyń tóraǵasy jáne Qaraǵandy qalasynyń jumyssyz 46 jastaǵy turǵyny japa shekti»,- dep kórsetilgen baspasóz paraǵynda.
Zardap shekkender Shet aýdandyq aýrýhanasyna jetkizildi.
